COVID-19 hri kai mi 62 hmuhchhuah belh leh an ni

Mizoram-ah COVID-19 hri kai hmuhchhuah an la pung zel a, niminpiah khan Sample enfiah 269 awmin heng atang hian COVID-19 hri kai mi 62 hmuh niin Sample enfiah atanga za zela 23.05 te chuan hri an kai a ni.

Niminpiah a Mizoram-a COVID-19 hri kai hmuh te hi Rapid Antigen Test hmanga Sample enfiah 267 atanga hmuh te vek niin Aizawl District-ah hri kai 45 hmuh an ni a, Lunglei District-ah 11, Mamit District-ah mi 4 leh Kolasib District-ah mi pahnih te an ni a, ZMC-a RT-PCR Laboratory-ah Sample pahnih enfiah awmin hri kai hmuhchhuah an awm lo thung a ni.

Nimin khan Mizoram District 4-ah COVID-19 hri kai enkawl dam mi 58 an awm belh ve leh bawk a, nimin tlai dar 5:00 thleng khan 

Mizoram-a COVID-19 hri kai hmuhchhuah tawh chu 2,29,501 niin an zinga 2,28,406 te chu enkawl dam an ni tawh a, hri kai hmuhchhuah tawh atanga chhutin za zela 99.52 te chu enkawl dam ni tawhin hri kai enkawllai mi 389 an la awm a, hri kai zingah mi 706 an boral tawh bawk a ni.

Tun dinhmunah Aizawl District chu hri kai enkawllai tamna ber la niin mi 219 enkawl mek an ni a, Lunglei District in dawtin mi 57 enkawl an la awm bawk a, Serchhip District chu pathumna a ni mek a, Mamit District-ah hri kai enkawllai mi 33 la awm bawkin Saitual District-ah 18 leh Kolasib District-ah 14 an la awm bawk. Tun dinhmunah Siaha, Lawngtlai leh Champhai District-ah hri kai enkawllai awm lovin a bak District dang zawngah hri kai enkawllai an la awm a ni.