COVID-19 hri kai hmuhchhuah an la pung zel

Niminpiah khan Mizoram-ah Sample 386 enfiah leh niin heng atang hian COVID-19 hri kai mi 39 lai hmuhchhuah leh an ni a, Sample enfiah atanga chhutin za zela 10.10 te chuan hri an kai a ni.

Niminpiah a Mizoram-a COVID-19 hri kai hmuhchhuah te hi Rapid Antigen Test hmanga Sample enfiah atanga hri kai hmuhchhuah vek an ni a, Aizawl District-ah hri kai mi mi 27 hmuhchhuah niin Lunglei District-ah hri kai mi 6 hmuh an ni a, Saitual District-ah hri kai mi 3 hmuh niin Serchhip District-ah 2 leh Kolasib District-ah hri kai pakhat hmuh an ni bawk. ZMC-a RT-PCR Laboratory leh Lunglei-a TrueNat Laboratory-a Sample enfiah te atangin COVID-19 hri kai hmuhchhuah an awm lo thung a ni.

Nimin khan Mizoram District pathum atangin COVID-19 hri kai enkawl dam mi 19 an awm leh bawk a, heti hian nimin tlai dar 5:00 thlenga Mizoram-a COVID-19 hri kai hmuhchhuah tawh chu 2,29,048 niin an zinga 2,28,103 te chu enkawl dam an ni tawh a, hri kai hmuh tawh atanga chhutin za zela 99.59 te chu enkawl dam an ni tawh a, hrikai enkawllai mi 242 lai awm leh tawhin hri kai zingah mi 703 an boral tawh bawk a ni.