COVID-19 hri kai enkawllai mi 621 la awm mek

Mizoram-ah COVID-19 hri kai hmuhchhuah an la pung zel a, nimin tlai thleng khan hri kai enkawllai pawh pawh mi 621 an tling lehh tawh a ni.

Pathianni khan Mizoram-ah Sample 177 enfiah niin heng atang hian COVID-19 hri kai mi 89 zet hmuhchhuah niin Sample enfiah atanga chhutin za zela 50.28 ten hri an kai a, Sample enfiah atanga a zatve aia tamin hri an kai a, an vai hian Rapid Antigen Test hmanga hri kai hmuhchhuah vek niin Lunglei District-ah 49, Aizawl District-ah 19, Kolasib District-ah 12, Saitual District-ah 5, Champhai District-ah 2 leh Siaha leh Serchhip District-ah mi pakhat ve ve an ni.

Nimin khan Mizoram District pathum atangin COVID-19 hri kai enkawl dam mi 33 an awm belh ve leh bawk a, heti hian nimin tlai thlenga Mizoram-a COVID-19 hri kai hmuhchhuah tawh chu 2,29,862 niin an zinga 2,28,535 te chu enkawl dam an ni tawh a, hri kai hmuh te atanga chhutin za zela 99.42 te enkawl dam ni tawhin hri kai enkawllai 621 an la awm a, hri kai zingah mi 706 an boral tawh bawk a ni. Nimin tlai thlenga hri kai enkawllai 621 te hi District 11-a mi te niin Lawngtlai tihloh District tinah hri kai enkawllai an awm mek a ni.