COVID-19 hri kai enkawllai 1192 la awm mek

Nimin tlai thleng khan Mizoram-ah COVID-19 hri kai enkawllai mi 1192 an la awm.

Zirtawpni khan Mizoram-ah Sample 408 enfiah awm lehin heng atang hian COVID-19 hri kai mi 66 hmuhchhuah an ni a, an vai hian Rapid Antigen Test hmanga hri kai hmuhchhuah niin Sample enfiah atanga za zela 16.18 te chuan hri an kai a, an zinga 49 te chu Aizawl District-a hri kai hmuhchhuah niin Saitual District-ah 12, Hnahthial District-ah 3 leh Champhai District-ah 2 te an ni. Inrinni khan Mizoram-ah Sample 624 enfiah leh niin heng atang hian COVID-19 kai mi 175 hmuh leh an ni a, Sample enfiah atanga chhutin za zela 28.04 ten hri hi kaiin an vai hian Rapid Antigen Test hmanga hri kai hmuh an ni leh a, Lunglei District-ah 75, Aizawl District-ah 68, Saitual District-ah 11, Siaha District-ah 9, Khawzawl District-ah 7, Hnahthial District-ah 4 leh Champhai District-ah pakhat te an ni.

Inrinni khan Mizoram-ah COVID-19 kai enkawl dam mi 44 awmin nimin khan mi 41 enkawl dam an ni leh bawk a, heti hian nimin tlai thlanga Mizoram-a COVID-19 hri kai tawh chu 2,30,589 niin an zinga 2,28,691 te chu enkawl dam an ni tawh a, hri kai enkawllai 1192 awmin hri kai zingah mi 706 an boral tawh a ni.