YMA Football khelh mek zel a ni

Serchhip Town chhunga YMA Branch te Football-a inelna, F. Zothanmawia Memorial Football Tournament chu nimin khan Group Match khelh zawh niin naktuk ah Quarter Final khelh a ni ang.


Serchhip Sports Complex-ah F. Zothanmawia Memorial Football Tournament khelh mekah hian nimin khan Group Match khelh zawh niin Group C inkhel ah P&E Veng Branch chuan New Serchhip North Branch 7-0 a hnehin Chhekhnai Branch in Chanmari Branch 4-1 in an hneh bawk a, Group C-ah hian Chhekhnai Branch in point 7 hmuin Quarter Final an lut a, P&E Veng Branch leh Chanmari Branch ten point 4 ve ve hmuin GD tha zawk P&E Veng Branch in Quarter Final an lut a, Chanmari Branch leh New Serchhip North Branch te an tla a ni.

Nimin-a Group D inkhel ah Serchhip Kawnpui South Branch leh Chhiahtlang Kawn Veng Branch te goal hnih ve ve inpe-a inhnehtawkin Hmar Veng Branch leh New Serchhip Venglai Branch te goal inpe lovin an inhnehtawk a. Group D-ah hian point 7 hmutu New Serchhip Venglai Branch leh point 4 hmutu Serchhip Kawnpui South Branch ten Quarter Final lutin point 2 hmutu Chhiahtlang Kawn Veng Branch leh Hmar Veng Branch te an tla a ni.

He Tournament khelh mekah hian naktuk atangin Quarter Final khelh a ni dawn a, chawhma dar 10:00-ah Chhim Veng Branch leh Field Veng Branch te an inhmachhawn dawn a, dar 11:40-ah Vengchung Branch leh S. Kawnpui North Branch te inhmachhawnin chawhnu dar 1:20-ah Chhekhnai Branch leh S. Kawnpui South Branch inhmachhawnin dar 3:00-ah New Serchhip Venglai Branch leh P&E Veng Branch te an inhmachhawn bawk ang.

Comments

Popular posts from this blog

Bialtu MLA in Laptop pe