Ruihhlo dona kawngah STP ten hmalak an tum

/

Serchhip Thalai Pawl (STP) in Serchhip Town chhunga Middle School chin chung lam zirna In hrang hranga Drugs Awareness Campaign kalpui an tum meka hmalakna hmasa atan nimin khan Serchhip Press Club-ah 'Training of Trainers' an buatsaih.


 STP te hian tunlaia Mizorama ruihhlo (Heroin) hluar mekah thalai naupang zawkte he ruihhlo laka an fihlim theihna turin hmalak an rel a, he hmalakna hi kumin June ni 26-a 'International Day Against Drug Abuse and Illicit Trafficking' atanga bul tan tum niin Serchhip Town chhunga Middle School, High School leh Higher Secondary School-ah te Drugs Awareness Campaign kalpui tum a ni a, June 26, 2022 hi Pathianni a nih avangin, June ni 27-ah he Campaign hawnna hi neiin ruihhlo la ti ve lo thalaite ruihhlo laka an fihlim zel theihna turin zirlaite hnenah ruihhlo hlauhawmzia leh that lohzia zirtirna an kalpui dawn a, he Campaign neih tura zirtirna pe thei turin nimin khan STP Member te tan he training hi an buatsaih a ni.

Nimin-a Serchhip Press Club-a Training neih hi STP President T. Biakchamliana chuan kaihruaiin training an buatsaih chhante leh inhmelhriattirna a nei a, Resource Person atan Darthakunga, PO NACO chu hman niin ruihhlo in mihring taksa leh rilru a khawih pawi dan te, chhungkua, khawtlang leh ram a nghawng dante leh HIV/AIDS chungchang te, ruihhlo ngaite enkawl dan chungchangah te zirtirna a pe a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »