YMA Day hmang dawn

Vawiin June 15, 2022 hi Mizoram-a tlawmngai pawl lian ber, YMA dinchampha a ni a, he ni hi sawrkar Pisa chawlh a puan a nih angin zirna In leh sawrkar Pisa te khar a ni ang.

YMA Day vawi 87-na hi Mizoram chhung leh pawn-a YMA dinna hmun hrang hrangah te urhsun taka lawmna neih tum a ni a, Serchhip ah chuan YMA Branch hrang hrang ten mahni remchan dan anga hun hmangin awmni kham-a hun hmang turte pawh an awm a, COVID-19 hri leng avanga kum hnih chhung mumal taka hman theih a nih tawh loh avangin member te intihhlimna hun atana hman tum an tam hle a ni. YMA Day lawmna hi Serchhip Sub-Hqrs. YMA hruaitute pawhin Branch hrang hrangah an hmanpui dawn a ni.