Serchhip-a Excise & Narcotics Department in an hlawhtlina lawmna hun an hmang

Serchhip-a Excise and Narcotics Department chuan nimin khan an hnathawh a hlawhtlinna leh an hnathawktu kaisang te lawmpuina hun an hmang.


Serchhip-a Excise and Narcotics Department Office-a he hun hman ah hian Asst. Commissioner of END B. Ngurchhuana chuan tunhnaiah an hnathawhna kawng hrang hrangah hlawhtlinna an chan te tarlangin, hetianga ruihhlo chi hrang hrang an man kawnga thawktute chungah lawmthu a sawi a. Tun dinhmunah ruihhlo chu kan ram tichhetu lian tak a ni tih sawiin, ruihhlo dona chu ram leh Hnam humhalhna pawimawh tak a nih thu a sawi a. Hemi kawnga hma an lakna ah tlawmngai pawl, Kohhran leh Thuthar thehdarhtute tanpuina an mamawh hle tih a sawi bakah khawtlang pawhin an hmalakna hi an hriatpui a tul thu a sawi a. Ruihhlo chi hrang hrangte chu Dan atanga thlir chuan sual a ni tih sawiin, hetianga kan ram-a thalaite ruihhlo in a tihbuai zel chuan ram ropui kan thlen loh a hlauhawm thu a sawi a, chuvangin ruihhlo laka kan thalaite venhim an nih theih nan theihtawp kan chhuah tlan a tul thu a sawi bawk a ni.


He huna tarlan a nih danin Serchhip-a Excise and Narcotics Department hian kumin January ni 1 atanga nimin, June 16, 2022 thleng khan Zu litre 2746.05 manin Zu bilhlai Tin 737 an man a, Sapzu (IMFL) um 312 manin Apple Wine litre khat an man a, Beer Cane 88 an man tawh bawk a, Zu siamna Bel 75 an man bakah hemi kaihhnawih ah hian Two Wheeler 2, LMV 6 leh HMV pakhat an man bawk. Heng bakah hian Heroin No. 4 gram 938.26 manin Ganja kg. 8 an man bawk a. Heng an thil man hrang hrang kaihhnawih ah hian ND&PS Act hnuaiah thubuai 28 ziahluh niin mi 33 man an ni a, MLP Act hnuaiah thubuai 110 ziaklutin mi 95 man an ni tawh bawk a ni.

Comments

Popular posts from this blog

Bialtu MLA in Laptop pe