NCORD Committee thukhawm

Champhai District-a District Level Narco Coordination Centre (NCORD) Committee thut-khawm hmasa ber chu nimin khan an Chairperson leh District Magistrate James Lalrinchhana hovin DC Conference Hall-ah neih a ni a. He huna tarlan a nih danin kumin January atanga nimin thlengin ND&PS Act hnuaiah case 78 ziahluh a ni a, mi 88 man niin heng zinga 11 te hi ramdang mi te an ni. Heroin gram 12,260 man niin Meth mum 90,000 leh Ganja kg. 534.500 man a ni a. Drugs De-addiction & Rehabilitation Centre 6 awm mekin, enkawl mipa 284 leh hmei-chhia 36, an vaiin mi 320 an awm mek a ni.