Town Branch YMA Football inelna tan a ni

Serchhip Town chhunga YMA Branch hrang hrangte tana buatsaih F. Zothanmawia Memorial Football Tournament chu nimin khan khelh tan a ni ta.

Serchhip Hmar Veng FC te buatsaih F. Zothanmawia Memorial Football Tournament hi Serchhip Sports Complex-ah khelh niin YMA Day hnu lama khelh tura ruahman lawk ni mah se remchan zawkna avangin nimin khan khelh tan a ni a, tun thla ni 25 khian Final khela zawh hman tum a ni. He intihsiakna hian Town chhunga YMA Branch 21 atangin YMA Branch 16 an tel thei a, heng te hi Group 4-ah then niin Group tinah Branch 4 zel an tel a, Group pakhat-a awm te hi inhmachhawn theuhin Group tin atang hian point hmu sang pahnih zel ten Quarter Final an lut dawn a ni.

Group A-ah S. Kawnpui North, Chhiahtlang Zotuithiang, Darnam leh Chhim Veng Branch awmin Group B-ah Vengchung, Field Veng, Dinthar leh New Serchhip Bazar Branch te an awm a. Group C-ah Chhekhnai, P&E Veng, Chanmari Veng leh New Serchhip North Branch te awmin Group D-ah Hmar Veng, S. Kawnpui South, New Serchhip Venglai leh Chhiahtlang Kawn Veng Branch te an awm bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar