Leivung paih vangin Tuikum kam-ah harsatna thleng

National Highway-54 laihzauh leh siamthat hna thawh mekah Serchhip khawpui helna kawng laihna a leivung Tlangpui lui-ah paih a nih avangin Tuikum lui, Vanchengte kai vel-a Leilet siamtute chuan harsatna an tawk mek.


Serchhip khawpui helna tur NH. 54 laih mekah hian leivung te chu Tlangpui lui hnar lamah hian paih a ni a, hei hi tunhnaia ruahsur nasa ah tuihawkin lenin Tuikum lui-ah leivung hi a lut nasa hle nia thudawn a ni a, helai hmun leivung tawlhthla hian Tuikum lui luanglai chu dang chatin, Tui pawh nasa takin a khuap tih helai hmuna leilet neitu pakhat chuan a sawi a, Tlangpui lui hnar lamah leivung thahnem tak an paih hian harsatna a thlen dawna an hriat avangin ruahtui tlak hma daih tawh khan hmalak an lo tum tawh thu leh, amaherawh chu a ram neitute hnena pawisa pek a nih avanga leivung hi paih nia an hriat avanga hma an lak tlang tak loh thu an sawi bawk a ni.


Tlangpui lui-a leivung tawlh hian Tuikum lui kama leilet panna kawng te pawh a hnawh ni thudawn niin Tlangpui lui kanna Thir Lei pakhat pawh a tichhe bawk nia thudawn a ni a, Tuikum kam-a Leilet neitu chhungkaw pahnih te chuan kumin hian Leilet an siam theih dawn loh phah nia an sawi bakah huan ram neitute tuilakna Horticulture Department in an siamsak te pawh tichhe telin harsatna hi an tawk nia thudawn a ni bawk. Hetianga leivung paih in harsatna a siam sak tak avang hian P&E Veng FMC, Tuikum Project te chu Serchhip Bawrhsap hnenah an zualko tawh a, a hmunah enfiah tur a ni dawn nia thudawn a ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man