Home Minister in zirna a tithate lawmpuina hlan

/

Hrangturzo bialtu MLA leh Home Minister Lalchamliana chuan kumin 2022-a MBSE hnuaia HSLC leh HSSLC result chhuaka a bial chhunga Zirlai titha leh Zirna In tithate hnenah nimin khan lawmpuina a hlan.

Hemi puala inkhawm a Pisa-a neih ah Home Minister chuan a bial chhung School atanga Zirlai engemawzatin hlawhtlinna an chang chu a lawmpui hle tih sawiin, an kal zelna turah duhsakna a hlan a. Zirlaite hlawhtlin theihna tura a hnarkaitu Zirtirtute inpekna chu fakawm a tih thu leh an thawhrimna chu a ngaihhlut thu a sawi a. Zirna ah bul tha takin an tan tawh a, hlawhtling turin a tawp zawh that a pawimawh tih a sawi a. Chumi atan chuan tumruhna te, inpekzawhna te, duhna chiang taka rilru siam fel te a pawimawh zia a sawi a ni.

Hrangturzo Assembly Constituency-ah hian kumin-a HSLC Exam-ah zirlai pass vekna School 4- Mualcheng H/S; Presbyterian English School, Khawlailung; Hrangturzo High School, N.Vanlaiphai leh Mt.Carmel School, Khawlailung te awmin Rs. 20,000/- theuh hlan an ni a, HSSLC-ah zirlai pass vek na N.Vanlaiphai HSS leh Bungtlang HSS te awmin Rs. 25,000/- ve ve hlan an ni thung a, Zirlai Distinction a pass HSSLC-ah mi 7 te Rs. 4000/- theuh leh HSLC ah mi 5 te Rs. 3000/- theuh hlanin HSSLC Mathematics Subject Topper Vanlalthansanga, N. Vanlaiphai (Synod HSS) chu Rs. 5000/- hlan a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »