Gas man bithliah thar a ni

IOCL in Revised Retail Selling Price a tihchhuah angin Mizoram khawpui hrang hranga eirawng-bawlna Gas man tur bithliah thar a ni a, hemi ang hian Vairengte tihloh Mizoram pumah kg. 14.2 a rit eirawngbawlna Gas bur khat man chu Rs. 1155/- a ni anga, kg. 19-a rit Commercial Cylinder man chu bur khat Rs. 2626/- a ni ang. He Gas man thar siam hi Home delivery a hralh a nih chuan bur khat man ah Rs.70/- belh zel tur a ni anga, Godown-a hralh erawh chuan bur khat man ah Rs. 27.60 zel paih thung tur niin Delivery Point ruatah te semchhuah anih chuan Rs.7.53 zel belh tur a ni thung ang.