EF&CC Minister in tlawh

Environment Forest & Climate Change (EF&CC) Minister TJ. Lalnuntluanga chuan NLCPR kaltlanga Champhai khawpui kianga lui luang, Keilungliah tuikhuah hnathawh mek chu nimin khan tlawhin hmalakna te a enfiah a. Non Lapsable Central Pool of Resources, NLCPR (DoNER) kaltlanga cheng nuai 1,988 (vbc. 19.88) senna tur Champhai khawpui sira luang Keilung-liah Lui khuah hna hi za zela 94 vel zo tawh anga chhut a ni a, Lui khuah san zawng hi metre 20 niin, tunah hian a chung khuah hungna leh vawn ban te siam mek a ni a. He tuikhuah hi sq.m 1,34,826.42 a zau ram tuam tur leh tui litre nuai 32,000 tlinna tura ruahman niin, Champhai khawpui tui mamawh phuhruk nan leh leilet phaizawl buh leh bal chawm nante, khualzin hipna tur, Sangha khawina leh Champhai khawpui timawia boruak lum tiziaawm thei tura ruahman a ni.