Edn. Minister in lawmthu sawi

School Education Minister Lalchhandama Ralte chuan Mizoram Board of School Education (MBSE) buatsaih HSSLC Examination 2022 result tihchhuah a ni ta chu lawmawm a tih thu sawiin, Hripui leng kara HSSLC Exam hlawhtling taka buatsaih anih theih nana thawktute, hmun hrang hranga Task Force te, District thuneitute, zirlaite, nu leh pate leh Zoram mipuite chungah lawmthu a sawi a, “Kan zavaia tanrualna avangin hlawhtlinna kan hmu a ni,” a ti a. HSSLC result tihchhuah anih theihna atana rim taka thawktu MBSE a thawk te leh HSS Lecturer-te hnenah lawmthu a sawi bawk. Minister chuan HSSLC Result tihchhuah ah hian Arts stream-ah za-a za passed School 56, Science-ah School 6 leh Commerce-ah School 3 an awm tih sawiin, Nil School an awm lo te chu a lawmawm hle tih a sawi bawk.