Dr. R. Lalthangliana’n sawrkar laipui dawr mek

Minister Dr. R. Lalthangliana chu a Department chan hrang hrang a thil pawimawh-ah sawrkar laipui dawrin New Delhi-ah aa cham mek.

Commerce & Industries changtu Minister Dr. R. Lalthangliana hian niminpiah khan New Delhi thlengin Land Ports Authority of India (LPAI) Chairman Aditya Mishra chu a Pisa-ah a hmu nghal a, tunhnaia Bangladesh Union Commerce Minister Tipu Munshi-a’n Mizoram a rawn tlawh tuma Kawrpuichhuah-a Border Trade (Integrated Check Post) an sawidun chungchang leh helai hmuna Border Trade dinna tur atana rang taka hmalakna tur pawimawh te a sawipui a. LPAI lam hian DPR engkim an lo peihfel vek tawh a, a copy te pawh an lo entir a. LPAI in DPR an siam ah hian Passenger Terminals te, Trade Terminal Building te, Officers leh Staff Quarters te, Administrative Building te telh a ni a, chung chu Ministry of Home Affairs lama sanction turin an lo thlen fel tawh nghe nghe a ni.

Dr. R. Lalthangliana hian Union Health Secretary Dr. Rajesh Bhushan, Union MSME Secretary BB Swain te, Union Secretary for Textiles Upendra Prasad Singh te, Ministry of Textiles hnuaia Development Commissioner for Handloom Sanjay Rastogi te a kawm bawk a ni.