COVID-19 hri kai hmuhchhuah pung leh hret

Mizoram-ah COVID-19 hri kai hmuhchhuah an pung leh deuh hlek a, nimin tlai thleng khan hri kai enkawllai pawh mi 162 an awm leh tawh a ni.

Zirtawpni khan Mizoram-ah Sample 186 enfiah niin heng atang hian COVID-19 hri kai mi 35 hmuhchhuah an ni a, Sample enfiah atanga za zela 18.82 zetin hri an kai a ni. Inrinni khan Mizoram-ah Sample 233 enfiah leh niin heng atang hian COVID-19 hri kai mi 55 zet hmuh belh leh an ni a, Sample enfiah atanga za zela 23.61 te chuan hri hi kaiin an vai hian Rapid Antigen Test hmanga hri kai hmuhchhuah vek an ni a, Aizawl District-ah 40, Kolasib District-ah 9, Serchhip leh Mamit District-ah mi 2 ve ve leh Lunglei leh Saitual District-ah mi pakhat ve ve te an ni.

Inrinni khan Mizoram-ah COVID-19 hri kai enkawl dam mi 24 awmin nimin khan mi 11 enkawl dam an ni leh bawk a. Heti hian nimin tlai dar 5:00 thleng khan Mizoram-a COVID-19 hri kai hmuhchhuah tawh chu 2,28,895 niin an zinga 2,28,031 te chu enkawl dam an ni tawh a, hri kai hmuhchhuah atanga za zela 99.62 te chu enkawl dam an ni tawh a, hri kai enkawllai pawh mi 162 awm leh tawhin hri kai zingah mi 702 chu an boral tawh a ni.