COVID-19 hri kai enkawllai an pung leh hret

Nimin tlai thleng khan Mizoram-ah COVID-19 hri kai enkawllai mi  166 an la awm a, tunhnaiah COVID-19 hri kai hi an pung ve leh hret hret a ni.

Zirtawpni-a Mizoram-a Sample enfiah 225 te atangin Mizoram-ah COVID-19 hri kai mi 33 lai hmuhchhuah belh an ni a, an vaiin Rapid Antigen Test hmanga hri kai hmuhchhuah vek an ni a, Sample enfiah te atanga chhutin za zela 14.67 ten hri hi an kai a ni. Inrinni khan Sample enfiah 209 awm lehin heng atang hian COVID-19 hri kai mi 28 lai hmuh a ni leh bawk a, an vai hian Rapid Antigen Test hmanga hri kai hmuh te vek ni leh bawkin Sample enfiah atanga chhutin za zela 13.39 te chuan hri hi an kai a ni.

Inrinni khan Mizoram-ah COVID-19 hri kai enkawl dam mi 12 awmin nimin khan hri kai enkawl dam mi 2 an awm leh bawk a, heti hian nimin tlai thleng khan Mizoram-a COVID-19 hri kai hmuh tawh zawng zawng chu 2,28,573 niin an zinga 2,27,706 te chu enkawl dam an ni tawh a, hri kai hmuhchhuah atanga chhutin za zela 99.62 te chu enkawl dam ni tawhin hri kai enkawllai mi 166 an la awm a, District 7-ah hri kai enkawllai hi an la awm a ni. Nimin khan Lungsen khua a COVID-19 hri kai hmuhchhuah Thla 3 mi chu boral ve lehin hri kai zingah mi 701 an boral ta bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man