COVID-19 hri kai enkawllai mi 145 awm mek

Nimin khan Mizoram-ah COVID-19 hri kai enkawl dam mi 23 awmin Mizoram-ah COVID-19 hri kai enkawllai mi 145 an awm mek.

Pathianni khan Mizoram-ah Sample 59 enfiah niin heng atang hian CO-VID-19 hri kai mi pahnih hmuhchhuah an ni a, Sample enfiah atanga chhutin za zela 3.39 te chuan hri an kai a ni. Heng hri kai hmuhchhuah te hi Rapid Antigen Test hmanga Sample enfiah vek niin Mamit leh Saitual District-ah hri kai mi pakhat ve ve hmuh an ni a. RT-PCR leh TrueNat Laboratory-ah Sample enfiah a awm lo thung a ni.

Nimin khan Mizoram-ah COVID-19 hri kai enkawl dam mi 23 an awm belh ve leh bawk a, heti hian nimin tlai dar 5:00 thleng khan Mizoram-a COVID-19 hri kai hmuhchhuah tawh chu 2,28,575 niin an zinga 2,27,729 te chu enkawl dam an ni tawh a, hri kai hmuh tawh atanga chhutin za zela 99.63 te chu enkawl dam an ni tawh a, hri kai enkawllai mi 145 la awmin hri kai zingah mi 701 an boral tawh a ni.

Tun dinhmunah District 7-ah COVID-19 hri kai enkawllai an la awm mek a, Saitual District chu hri kai enkawllai tamna ber niin mi 47 enkawl an la ni a, Aizawl District-ah 42 leh Mamit District-ah 27 te chu hri kai enkawllai tam zualna an la ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar