COVID-19 hri kai enkawllai mi 11 la awm mek

Pathianni khan Mizoram-ah COVID-19 hri kai mi pahnih hmuh leh niin nimin khan hri kai enkawl dam mi 32 an awm a, nimin tlai thlengin hri kai enkawllai mi 111 an la awm bawk.

Pathianni khan Mizoram-ah Sample enfiah 27 awm lehin heng te hi Rapid Antigen Test hmanga Sample enfiah vek an ni a, heng Sample enfiah atang hian COVID-19 hri kai mi pahnih hmuh niin Sample enfiah atanga chhutin za zela 7.4 te chuan hri an kai a, hri kai hmuhchhuah te hi Serchhip leh Saitual District-ah mi pakhat ve ve te an ni.

Nimin khan Mizoram-ah COVID-19 hri kai enkawl dam mi 32 an awm belh ve leh thung a, heti hian nimin tlai dar 5:00 thleng khan Mizoram-a COVID-19 hri kai hmuhchhuah tawh chu 2,28,733 niin an zinga 2,27,921 te chu enkawl dam ni tawhin hri kai hmuhchhuah atanga za zela 99.65 te chu enkawl dam an ni tawh a, hri kai enkawllai mi 111 la awmin hri kai zingah mi 701 an boral tawh a ni. District hrang hrangte zingah Aizawl District chu hri kai enkawllai tamna ber la niin mi 55 an la enkawl mek a, Mamit District-ah mi 19, Kolasib District-ah mi 15 leh Saitual District-ah mi 10 te chu a tam zualna an la ni bawk.