COVID-19 hri kai enkawllai 107 la awm mek

Nimin tlai thleng khan Mizoram-ah COVID-19 hri kai enkawllai mi 107 an la awm.

Niminpiah khan Mizoram-ah Sample 170 enfiah niin heng atang hian COVID-19 hri kai mi 12 hmuhchhuah an ni a, Sample enfiah atanga chhutin za zela 7.06 te chuan hri an kai a, heng hri kai hmuhchhuah thar te hi Rapid Antigen Test hmanga Sample enfiah 168 atanga hmuh te vek niin Aizawl leh Lunglei District-ah mi 4 ve ve, Serchhip District-ah mi 2 leh Mamit leh Hnahthial District-ah mi pakhat ve ve te an ni a, ZMC-a RT-PCR Laboratory-ah Sample pahnih enfiah niin hri kai hmuhchhuah an awm lo thung a ni.

Nimin khan Mizoram-ah COVID-19 hri kai enkawl dam mi 11 awm belh ve leh thungin heti hian nimin tlai dar 5:00 thleng khan Mizoram puma COVID-19 hri kai hmuhchhuah tawh chu 2,28,805 an ni a, hri kai zingah 2,27,996 te chu enkawl dam ni tawhin hri kai hmuhchhuah te atangin za zela 99.65 te chu enkawl dam an ni tawh a, hri kai enkawllai mi 107 awmin hri kai zingah mi 702 an boral tawh a, an zinga 557 (79.49%) te chu natna dang nei tel an ni.

Chhinchhiahna atanga a lan danin Mizoram-ah hian mihring sang khat (1000) zela chhutin mi 208 te chuan COVID-19 hri hi an kai tawh a, mi 1,00,000 zelah COVID-19 avanga nunna chan mi 63 zel awm tawh anga chhut a ni bawk.