Contact Sports Centre din tum

/

Sports Minister Robert Romawia Royte chuan nimin khan a Pisa-ah Contact Sports hnuaia Sports discipline hrang hrang hruaitute leh infiammi te a kawm a, Combat Sports a discipline hrang hrangte training-na leh competition Hall awm theihna Aizawl Contact Sports Centre din ngei Sawrkarin a tum tih sawiin, Mizoram Sawrkar sum harsatna avangin Central Scheme emaw, EAP emaw funding kan beisei, a ti a. District Headquarters thenkhat leh thingtlang khaw 20 velah Infiamna Indoor Hall sak mek a ni tih a sawi bawk. He hunah hian Combat Sports Association hruaitute pawhin Hall thar tam tak sak mek leh sak zel tur avangin lawmthu an sawi a. Chutih mek laiin Aizawl khawpuia Combat Sports ti mite inhmantawm tur Centre tha an nghahhlelh thu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »