Serchhip District VC Association dinin hruaitu thlang

/

Serchhip District Village Council Association chu nimin khan Serchhip-ah dinin hruaitu thar thlanna neih nghal a ni.


 All Mizoram Village Council Association ten ruahmanna an siam angin nimin khan Serchhip District chhunga Village Council hrang hrang 53 aiawhte chu Serchhip Sub-Hqrs. YMA Conference Hall-ah kalkhawmin Serchhip District Village Council Association din chungchang leh hruaitu thlan chungchang hi an sawiho a, he hun hi an Convener leh East Lungdar VCP K. Lalngaizuala chuan kaihruaiin District VC Association din chungchanga hmalakna te a tarlang a, Serchhip Vengchung VCP leh Convener ni bawk B. Vanlalngura chuan kalkhawmte inhmelhriattirna hun a hmang bawk a ni.

Hemi hnu hian he huna kalkhawm te hian Serchhip District Village Council Association hi din relin Serchhip Sub-Hqrs. YMA kaih-hruaina hnuaiah kum 2025 thlenga an hruaitu tur thlanna an nei a, President-ah Lalzuiliana (Serchhip Kawnpui VC); Vice President-ah K. Lalngaizuala (East Lungdar VC); Secretary-ah B. Vanlalngura (Serchhip Vengchung VC), Asst. Secretary-ah Ramzauva (Chhuanthar Tlangnuam VC); Treasurer-ah Varlianmawia (Chhiahtlang North VC) leh Fin. Secretary-ah F. Lalram-zauva (Chhingchhip VC) te thlan an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »