Pathianni-ah hri kai mi 8 hmuh belh leh

Pathianni khan Mizoram-ah Sample 28 enfiah niin heng atang hian COVID-19 hri kai mi 8 hmuhchhuah an ni a, Sample enfiah atanga chhutin za zela 28.57 te chuan hri an kai a ni.

Pathianni-a Mizoram-a hri kai hmuhchhuah te hi Rapid Antigen Test hmanga hri kai hmuhchhuah te vek niin Saitual District-ah 18, Mamit District-ah 6 leh Aizawl District-ah mi 4 te an ni a, RT-PCR Laboratory leh District hrang hranga TrueNat Laboratory bakah Fluorescent Immunoassay Test hmangin Sample enfiah a awm lo thung a ni.

Nimin khan Mizoram-ah tlai dar 5:00 thlengin hri kai enkawl dam mi 24 an awm belh leh bawk a, heti hian nimin tlai dar 5:00 thlenga Mizoram-a COVID-19 hri kai hmuhchhuah tawh chu 2,28,000 niin an zinga 2,27,057 te chu enkawl dam an ni tawh a, hri kai hmuhchhuah tawh atanga chhutin za zela 99.59 te enkawl dam ni tawhin hri kai enkawllai mi 246 an la awm a, hri kai zingah mi 697 an boral tawh bawk a ni. Tun dinhmun ah Champhai, Kolasib, Lawngtlai leh Hnahthial District-ah te hri kai enkawllai an awm tawh lo a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar