NH. 54 siam mek tha zawka thawk turin hmalak rel

Serchhip Sub-Hqrs. YMA chuan National Highway-54 laihzauh leh siamthat hna thawh mek chu tha zawka thawh a nih theih nan hmalak nise an ti.


Serchhip Sub-Hqrs. YMA hian nimin khan Serchhip-a an Office-ah Sub-Hqrs. Coordination Committee (SCC) thutkhawm neiin National Highway-54 laihzauh leh siamthat hna thawh mek chungchang hi an sawiho a, he hna hi tha taka thawh a nih theihna turin Branch tin ten mahni huamchhung ah theuh hnathawh hi a theih anga lo vil nise an ti a. Branch YMA ten hma an lak bakah hian Sub-Hqrs. YMA pawhin a theih anga hnathawh hi vilin SEC ten a huho in Serchhip Sub-Hqrs. YMA huamchhunga he hna thawh hrang hrangte hi tlawh nise an ti bawk.

Nimin a Serchhip SCC thutkhawm hi an Vice President Lalrammawia chuan kaihruaiin April 26, 2022-a Serchhip Sub-Hqrs. YMA Rorel Inkhawm neih zawh tak thlirletna an neih bakah he Rorel Inkhawmna an thurel hrang hrangte bawhzui dan tur an sawiho bawk a. YMA Dan Bu ennawn tur atana rawt duh nei Branch te chuan June 15, 2022 hmain Sub-Hqrs. YMA ah thehluh nise an ti bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar