MITS pawl tlangzarh a ni

/

Mizoram IT Society (MITS) pawl tlang-zarhna hun chu nizan hmasa khan Hyve City Hall, Aizawl-ah neih a ni a, he hun hi ICT Minister Robert Romawia Royte leh HRD Board Vice Chairman L. Thangmawia MLA te chuan an hmanpui a ni. MITS hi June 22, 2021 khan Mizorama IT hmasawn zel nan mi thahnemngai ten an din niin Mizoram Societies Registration Act 2005 hnuaia Registration nei a ni a, School zirtirtute tan Online Training te an neihpui thin bakah IT lam eizawnna leh zirna lam thupuiah hmangin Webinar an buatsaih thin a, Mizoram Sawrkar-a Education kaihhnawih Department hrang hrangte IT hmanga zirna tihhmasawn nana thawhhona thuthlung an ziak tawh bawk a ni. He hunah hian MITS member ni duh te tan Online Member Registration tihna an tlangzath nghal bawk a, Member pangngai tan Rs. 200/-, Life Member Rs. 1,000/- leh Patron Member Rs 3,000/- niin website www.mits.org.in-ah inziahluh theih a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »