Lok Adalat thutkhawm nei

Inrinni khan ramchhung hmun hrang hrang ah Lok Adalat thutkhawm neih niin Serchhip District-ah pawh Lok Adalat-ah hian thubuai 143 ngaihtuah a ni.

Tun tuma National Lok Adalat neih rual hian Serchhip District Court Building-ah pawh Judicial Magistrate First Class/Civil Judge Renee Lalremsiami hovin thutkhawm neih a ni a, he hunah hian Civil Case 76 leh Bank Case 67, a vaiin thubuai 143 ngaihtuah tura chhawp-chhuah a ni a, Civil Case zingah hian ramri buai, rokhawm chungchanga harsatna leh thubuai dangte telin thubuai lut zinga 61 chu chinfel a ni. Tun tuma thubuai chinfel zingah hian Bank Case 25 telin sum hmuhlet tlingkhawm chu Rs. 31,65,758.24 a ni a, Civil Case 36 chinfel ni bawkin sum hmuhlet Rs. 3,68,385/- a tling bawk a ni.