Latest News

‘Chhiat tawk te thian’ tur Training neih tan a ni

Chhiatna chi hrang hrang a lo thlen thulha a tul anga puitu tur ‘Chhiat tawk te thian’ Aapda Mitra Training hmasa ber chu nimin khan Mamit District tan State Training Centre, Tanhril-ah neih tan a ni. 

Up-Scaling of Aapda Mitra Scheme hi Mizoram District 5- Mamit, Lunglei, Serchhip, Champhai leh Kolasib District-ah te kalpui tura ruahman niin he Scheme hnuaiah hian Aapda Mitra Training hmasa ber hi chawlhkar hnih chhung neih a ni dawn a, Aapda Mitra hi ‘Chhiat tawk te thian’ tihna niin, chhiatna chi hrang hrang- leimin, kangmei, tuilian, lirnghing leh a dangte a lo thlena chi-ai lo a vantlang (community) in a tul ang anga chhiattawk te puih leh chhiatrupna lo thlena a tul anga lawmman phutlet nei miah lo a puitu ni tura training pek chu a tum ber a ni.

Aapda Mitra Training hmasa ber hawnna nimin-a State Training Centre, Tanhril-a neih ah hian Sports Minister Robert Romawia Royte chuan khawvel hi hmanlai ata tawh chhiatrupna in min tuam tih sawiin, “Mizoram-ah hian tuilian ai chuan leimin kan tuar nasa a, lirnghing-ah pawh Seismic Zone V-ah kan awm tih kan in hriat reng kan ngai a ni,” a ti a. Chhiatrupna eng pawh lo thleng se midang te chhanchhuah nana che chhuak tura thlan bik an ni tih inhre tur leh khawtlang beisei anga thahnem ngai leh tih tak zeta training chhuak turin leh fimkhur taka training turin a chah a ni. 

Comments

Popular News (Last 30 Days)