Vaimim chi semchhuak

Mizoram sawrkar Flagship Programme, Socio-Economic Development Policy (SEDP) kaltlanga kum 2022-2023 chhunga Lawngtlai District atanga Agriculture Department hnuaia Vaimim chîng tura thlanchhuahte hnenah nimin khan Lawngtlai East Bialtu MLA leh Agriculture Development Board Vice Chairman H. Biakzaua chuan Vaimim chi semin, Lawngtlai District chhung hmun danga sem tur vaimim chi a vailiam nghal a. Lawngtlai District-ah hian Vai-mim ching tur mi 1,735 thlan phawt niin Vaimim chîng turte hian Vaimim chi kg 20 zel an dawng dawn a, hectare 1-a zauva chîn tur a ni. Vaimim chi bakah hian Silpauline te, leitha te, thlai ven-himna tur hlo leh a kahna hmanrua te leh a chîn atanga a seng thlenga senso phuhrukna tur sum fai te pawh an dawng dawn a ni.