Thawhhona tur ziakfel

Samagra Shiksha Mizoram leh Cricket Association of Mizoram te chuan nimin khan Aizawl Zarkawt-a Education Complex Conference Hall ah kum 5 chhung daih tur thawhhona thuthlung an ziak a, he thawhhona bultanna atan Aizawl khawpui chhunga sawrkar School Primary leh Middle School thlanchhuah School 10-ah kalpui phawt a ni dawn a, Kumthar atangin Aizawl pawn leh District dangah te kalpui zel a ni ang. He thawhhona tura a inziah dan chuan naupang ten an zirlai tibuai lo thei tur ang berin kar khatah vawi thum Cricket khelin training an nei dawn a, Sum leh pai senso ngai zawng zawng leh Cricket thuam thil leh training na atana mamawh zawng zawng Cricket Association of Mizoram ten an tum dawn thung a. Naupang talent nei tha zual te chu kumtin National Cricket Academy, Bangalore-a traning an neih dan tur zawn sak a nih dawn bakah, Mizoram pawnah Exposure Tip neih tir thin an ni anga, Inter School, Inter District Tournament huaihawt thin a ni bawk ang.