STP ten tanpuina khawl hlan

Serchhip Field Veng-a chhungkaw pakhat chuan damlohna avanga ei leh bar dap kawnga harsatna an neih avangin Serchhip Thalai Pawl te chuan nimin khan eizawnna bual an tan theihna turin Kuhva rah, a kawrpui khehna leh a thelna khawl an hlan.

Nimin-a STP ten bungrua an hlan hi Bawihziki te chhungkua niin an chhungkua hi puitling hnathawk thei mi 2 chauh awmna a ni a, an nu ber hi tawng lama harsatna nei a nih bakah damlohna avanga hun rei tak hna thawk thei lo leh damdawi In-ah awm mek niin puitling mi pakhat pawh hi damlohna avanga In lama en-kawl leh hna thawk hlei thei lo a ni bawk a, hei vang hian midangte tanpuina ringa khawsa rihin STP te hian mi tlawmngai leh inphal te sum thawh-khawm hmangin eizawnna atana an hman theih tur awm ngaihtuah sakin heng khawl te hi an hlan ta a ni.

Mi tlawmngai te sum thawhkhawm atang hian Rs. 13,000/- in heng kuhva khehna khawl pahnih te hi an lei tih sawiin, hei bakah hian an bul tanna turin leh a tul anga an hman turin Rs. 4500/- an hlan bawk tih an sawi a ni.