State Handloom Expo hawng

Tun thla ni 21 thleng awh tur State Handloom Expo chu nimin khan Commerce & Industries Minister Dr. R. Lalthangliana chuan Aijal Club Park-ah a hawng a, sawrkar laipui-a Ministry of Textiles hnuaia Development Commissioner for Handloom bultuma neih he Expo-ah hian dawr 30 zet hawn a ni. State Handloom Expo hawnna ah hian Dr. R. Lalthangliana chuan Mizo Weavers te chu Mizo te hnamzia pholangtu pawimawh tak an ni tih sawiin, hnamdang hmelhriattirtu hmanraw tangkai tak a nih bawk thu a sawi a. Mizoram pawnah kan puantah hi ngaihhlut a nih thu sawiin, puantahtute hian tun aia mawi leh quality tha an tah thei a ni tih hre reng turin a chah bawk.