Ramri chungchang ah inbia

Mizoram leh Assam ramri buai chungchang ah State pahnih aiawhte chu nimin khan internet kaltlanga inbiai in ramri-a chetna thleng lo tura boruak vawnhim zel an duh thu an tarlang.

Home Minister Lalchamliana chuan State pahnih te chu inbiakna neih tha an tih thu a sawi a, an inbiakna tur Level leh tihdan tur chu Assam lamin rawtna siam turin an ti tih sawiin, State pahnih te chuan Status quo chu vawnhim zel an duh a ti bawk. Assam lam hian ramri hrulah Mizoram in hmasawnna hna an thawk nia puhin hemi chungchang hi an lo enfiah dawn tiin a chhang tih Home Minister chuan a sawi bawk. He inbiakna ah hian Mizoram lam atangin Home Minister Lalchamliana leh Sawrkar mi pawimawh te an tel a Assam lamah Border Area Development Minister Atul Bora leh mi pawimawh dang an tel a, State pahnih ramri hrula District Commissioner leh Officer dangte an tel bawk a ni.