Oil rawn thlen thuai beisei

Mizoram-a Oil phurluttu ten an thilphut nawr nana Oil phurhluh an chawlh lailawk chu titawp tawh mah se Serchhip-a Petrol Pump, PB. Lal-zuithanga Filling Station-ah tuialhthei rawn thleng ala awm loh avangin tuialhthei pekchhuah chu semrual ala ni mek a. Petrol Pump neitute chuan tunah hian an tanker pahnih chu load la tura an kal mek thu sawiin, Vawiin hian an lak fel theih an beisei thu leh naktuk, Pathianni-ah Petrol leh Diesel rawn thleng tura an beisei thu sawiin, Thawhtanni atanga chuan dan pangngai a hralhchhuah leh theih an beisei thu an sawi bawk.