Hri kai enkawllai 178 la awm

Serchhip District-ah COVID-19 hri kai hmuh tawh chu 13,478 niin hri kai enkawllai 178 an la awm mek.

Nimin khan Serchhip District-ah COVID-19 hri kai mi 33 lai hmuh belh leh an ni a, heng hri kai hmuhchhuah zinga 13 te hi Then-zawl-a hri kai hmuhchhuah niin East Lungdar-ah 7, Chhingchhip-ah 5, Hmuntha-ah 3 leh Bawktlang, Chhiahtlang, Khawlailung, Mualcheng leh North Vanlaiphai-ah mi pakhat theuh an ni.

Niminpiah khan Serchhip District-ah hri kai mi 23 hmuh an awm bawk a, Khawlailung khua ah mi 7, Serchhip, East Lungdar leh Then-zawl-ah mi 5 theuh leh Kanghmun South-ah mi pakhat te an ni.

Nimin khan Serchhip District-ah hri kai enkawl dam mi 27 an awm ve leh bawk a, heti hian nimin tlai thleng khan Serchhip District-a hri kai hmuhchhuah tawh chu 13,478 niin an zinga 13,267 te chu enkawl dam an ni tawh a, hri kai hmuhchhuah atanga chhutin za zela 98.43 te chu enkawl dam an ni tawh a, hri kai enkawllai 178 la awmin hri kai zingah mi 33 an boral tawh bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man