Niminpiah-ah hri kai mi 149 hmuh belh leh an ni

Niminpiah khan Mizoram-ah COVID-19 hri kai mi 149 hmuh belh leh an ni a, heng te hi Rapid Antigen Test hmanga hri kai hmuh te vek an ni.

Niminpiah khan Mizoram-ah Sample 1423 enfiah niin heng atang hian hri kai mi 149 te hi hmuh niin Sample enfiah atanga za zela 10.47 te chuan hri an kai a, hri kai hmuhchhuah te hi Rapid Antigen Test hmanga Sample enfiah 1398 atang hmuh te niin Serchhip District-ah hri kai mi 34 hmuh an ni a, Khawzawl District-ah 26, Aizawl leh Lunglei Dstrict-ah 21 ve ve, Mamit leh Hnahthial District-ah 10 ve ve, Kolasib District-ah 9, Siaha District-ah 8, Saitual District-ah 7 leh Lawngtlai District-ah 3 te an ni.

Niminpiah khan ZMC-a RT-PCR Laboratory-ah Sample 11 enfiah niin hri kai hmuhchhuah an awm lova, District hrang hranga TrueNat Laboratory zingah Lunglei-ah Sample 2 enfiah niin hri kai hmuh an awm lo bawk a, Fluorescent Immunoassay Test hmangin Serchhip District ah Sample 10 leh Aizawl-ah 2 enfiah niin hri kai hmuh an awm lo bawk.

Nimin khan Mizoram-ah hri kai enkawl dam mi 157 awmin nimin tlai thleng khan Mizoram-a hri kai hmuh tawh chu 2,25,112 an ni a, an zinga 2,23,670 te enkawl dam ni tawhin hri kai zinga za zela 99.36 te enkawl dam an ni tawh a, hri kai enkawllai 755 la awmin hri kai zingah mi 687 an boral tawh a ni.