MADC inthlan hun tur puang

Mizoram State Election Commission (SEC) chuan Mara Autonomous District Council (MADC)-a MDC thlanna neih hun tur nimin khan puangin May 5, 2022 khian mipui ten vote an thlak dawn a, he inthlan neih tur atana hriattirna pawh Vawiin hian tihchhuah nghal tura ruahman a ni. He inthlan chuh tum te tan tun thla ni 13 tlai dar 3:00 thlengin Nomination paper thehluh theih a ni anga, hemi ni vek hian Nomination paper te hi enfiah nghal niin April 18 thleng inhnukdawk duhte tan hun hawn leh a ni anga, May 5-ah Vote hi thlakin May 9, 2022-ah Vote tla te hi chhiar tur a ni ang. MADC-a MDC inthlan vawi 12-na hi Constituency 25-ah neih a ni dawn a, Polling Stations 81 leh Polling Booth 81 a awm a, Vote nei mi 42,326 awmin inthlan neih hun tur puan a nih rual hian Model Code of Conduct chu hman tan nghal a ni bawk.