Hri kai thar 27 leh enkawl dam mi 28 awm belh leh

Zonuna Kawlni (LENKAWL) • April 2, 2022 • Comments • Serchhip

Nimin khan Serchhip District-ah COVID-19 hri kai mi 27 hmuh belh leh niin hri kai enkawl dam mi 28 an awm thung.

Nimin a Serchhip District-a COVID-19 hri kai hmuhchhuah thar mi 27 zinga 15 te hi Vanchengte khua a hri kai hmuh te an ni a, North Vanlaiphai-ah hri kai mi 4 hmuh ni bawkin New Serchhip-ah hri kai mi pahnih hmuh an ni bawk a. Bawktlang leh Chhing-chhip-ah hri kai mi pahnih ve ve hmuh ni bawkin Khawlailung leh Thenzawl-ah hri kai mi pakhat ve ve hmuh an ni bawk.

Nimin khan Serchhip District-ah COVID-19 hri kai 28 te enkawl dam an ni bawk a, heti hian nimin thleng khan Serchhip District-a CO-VIID-19 hri kai hmuhchhuah tawh chu 13,300 niin an zinga 13,028 te chu enkawl dam an ni tawh a, hri kai hmuhchhuah atanga za zela 97.95 te enkawl dam ni tawhin hri kai enkawllai 239 an la awm a, hri kai zingah mi 33 an boral tawh bawk a ni.