Hri kai enkawllai 135 awm

/

Nizan thleng khan Serchhip District-ah COVID-19 hri kai enkawllai mi 135 awmin hri kai enkawllai hi an tlem ve hret hret zel a ni.

Pathianni ah Serchhip District-a hri kai chhinchhiah belh an awm loh hnuah nimin khan COVID-19 hri kai mi 31 an awm belh leh a, an zinga mi 13 te chu East Lungdar khua a mi te niin Thenzawl-ah mi 6, Chhingchhip-ah mi 5, Chhiahtlang, North Vanlaiphai leh Hmunzawl-ah hri kai mi 2 theuh hmuh niin Khawlailung-ah hri kai mi pakhat hmuh a ni bawk.

Nimin khan Serchhip District-ah hri kai enkawl dam mi 55 lai an awm belh ve leh bawk a, heti hian nizan thleng khan Serchhip District atanga COVID-19 hri kai hmuhchhuah tawh chu 13,517 niin an zinga 13,349 te chu enkawl dam an ni tawh bawk a, hri kai hmuhchhuah te atanga chhutin za zela 98.75 te chu enkawl dam an ni tawh a, hri kai enkawllai mi 135 la awmin hri kai zingahh mi 33 an boral tawh bawk a ni.

Nimin tlai thleng khan Serchhip District hi District hrang hrang zingah hri kai enkawllai tam ber dawttu ala ni mek a, Serchhip District aia hri kai enkawllai tamna hi Lunglei District chiah awmin Lunglei District-ah hian hri kai enkawllai mi 199 an la awm mek a, District tinah hri kai enkawllai an la awm vek a ni.

Comments

Post a Comment

Popular News (Last 30 Days)

Vawiin-ah HSLC result

/
Image
Mizoram Board of School Education (MB-SE) chuan kum 2024 HSLC Exam Result chu Vawiin hian a tichhuak dawn ta a, Vawiin chhun dar 12:00 hian HSLC Exam result hi tarchhuah tur niin anmahni (MBSE) pisa, Chaltlang, Aizawl-ah leh internet kaltlangin www.mbse.edu.in leh www.mbseonline.com ah te en theih a nih dawn bakah a mamawh tan result bu a lei theih dawn a. Office hun chhungin WhatsApp leh phone call hmangin Ph. No.  9863883041 leh 9863722521 te biak theih a ni dawn bawk a ni.
Kimchang zawkin »

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »