DoNER Minister hnenah thlen

New Delhi-a cham mek Mizoram Governor Hari Babu Kambhampati chuan nimin khan Union Minister for Ministry of Development of North Easter Region (DoNER) G. Kishan Reddy chu a Office-ah a kawm a, Mizoram in project pawimawh tak tak a thehluh DoNER atanga sanction rawn kal tura beisei mek te an sawidun a ni.

DoNER Minister G. Kishan Reddy hnenah hian Governor Hari Babu Kambhampati chuan Mizoram in project a thehluhte chu Mizoram tana a pawimawhna te leh a hmanhmawh thlak dan te chiang taka sawiin, a theih anga hmain rawn sanction sak turin a ngen a ni. Governor leh DoNER Minister inkawmnaah hian PM DeVINE hnuaia Project te, P&E hnuaia Project pawimawh tak tak thehluh te, Tourism Department hnuaia project thehluh te leh a dang te pawh sawi a ni a. DoNER Minister chuan heng project thehluhte hi lo enzui a nih tur thu a sawi a ni.