Amit Shah-a thusawi MZP tha an tihloh thu an sawi

Tun thla ni 7-a BJP hruaitu Amit Shah-in India ram chanchinbu hrang hrang a 'Hindi tawng chu North East State pariat (8)-ah zir ngei ngei tura duan a ni dawn,' tia a sawi chu MZP chuan tha lo an tih thu sawiin, North East State chhunga State hrang hrangah mahni state hnam tawng hman a nih lai leh mahni pianpui tawng hmang tura nasa taka hmalak a nih mek laia hetiang hmalakna a awm hi hriatthiam har an tih thu an sawi a. North East Region-ah Hindi tawng Compulsory-a hman a nih chuan hnambil tawng leh pianpui tawng nasa taka a khawih dal theih dawn bakah zirlaite tân phurrit a ni thei dawn tih sawiin, a hmaa kalphung pangngai hman chhunzawm a nih theih nan hma an la zel dawn tih an sawi bawk.