Lunglei-ah District SEDP Committee thukhawm

Nimin khan Lunglei-ah District Socio-Economic Development Policy (SEDP) Committee thutkhawm hmasa ber chu Lunglei DC hovin neih a ni.

District Socio-Economic Development Policy (SEDP) Committee hi District chhunga SEDP tha taka kalpui tura mawhphurna neitu niin Village Level SEDP Committee te nen thawk hovin beneficiary-te an thlan dawn bakah SEDP kaihhnawih hnate viltu a ni a. An hmalakna kalpui tur hian SEDP Executive Board in tul a tih angin SEDP Fund a rawn ruahman sak thin dawn a ni. Nimin-a thutkhawm kaihruaitu Lunglei DC Kulothungan A chuan SEDP chu ram leh hnam hmasawnna tura sawrkar flagship policy anih angin Line Department-te leh member-ten theihtawp chhuah tlanga, Lunglei District-ah tha taka kalpui anih ngei theihnan theihtawp chhuah theuh turin a chah bawk.

He thutkhawm ah hian Village Level SEDP Committee din dan tur pawh sawiho niin Lunglei Additional DC K. Lalrohlua Chairman na hnuaiah Constituency tin aiawh te nen tun thla chhung ngeia tifel tura mawhphurna pek an ni a. Village Level SEDP Committee tinah hian Chairman leh Member Secretary te ruat tur an ni a. Hemi bakah hian In 250 leh a hnuailam chin awmna khua ah Prominent Citizen Member pathum (3), I 251-500 chinah Prominent Citizen Member panga (5) leh I 501 leh a aia tam ah Prominent Citizen Member pasarih (7) te ruat an ni ang.

Tun dinhmunah Lunglei District Line Department pathum hnuaiah SEDP hmalakna a awm tawh a. Agriculture Department hnuaiah Lunglei District chhungah Vaimim ching tur beneficiary 1665 thlanfel tawh an ni a, Vaimim chi quintal 313.4 sem tawh niin sem chhunzawm zel turin ruahmanna siam a ni. Fisheries Department hnuaiah Sangha chi nuai 4 sem tawh a ni bawk a. Horticulture Department hnuaiah Mau ching tur chhungkaw 180 thlan tawh niin a hmunhma tur te vah leh hal fel tawh an ni a, Mau chin hun Season-ah ching nghal thei tura ruahmanna siam a ni.