TB Free District atan zir-chianna neih mek a ni

World Health Organisation (WHO) hma-lakna a TB awmlohna District ni tura dinhmun zirchianna a telh a nih angin tunlai hian Serchhip District chhung khaw hrang hrangah TB dinhmun zirchianna hi neih mek a ni.

TB umbona tura he hmalakna kal mekah hian ramchhung State hrang hranga District thlanbik te chu Sub-National Certification for TB District atan zirchianna neiin Mizoram-ah chuan Serchhip leh Kolasib District te chu zirchianna neihna tur hian thlan an ni a, he hmalakna hnuaiah hian TB enkawlna lama inhnamhnawihna la neilo mi 10 te chu Survey nei tura thlangin heng mite hi mi pahnih zela in kawpin Serchhip District chhunga khaw 5-ah zirchianna hi neih phawt tura thlan a ni a, kar hmasa khan Thenzawl-ah Survey hi neiin Vawiin hian Buhkangkawn, Keitum, Hriangtlang leh Chhingchhip-ah te pawh bultan a ni ang.

Heng khaw hrang hrangah hian Survey nei tura thlan te hian a mi cheng te atanga mihring zaa 5 tal kawmchianna neiin zawhna siamsa an neih chhanna chu Software-ah khungin, TB hri kai nia rinhlelh te chu an Sample enfiah sak an ni anga, mi 6 aia tam TB hri kai hmuhchhuah an awm chuan TB awmlohna khua leh District-ah hian puan theih ala ni dawn lo a, Survey pawh chawlhsan zui tur nia thudawn a ni. He Survey hmasa hi tun thla ni 7 khian zawhfel hman tura ruahman a ni.