Serchhip District-ah hri kai enkawllai 419 la awm

Nimin khan Serchhip District-ah COVID-19 hri kai mi 44 hmuhchhuah leh an ni a, Serchhip District-ah hri kai enkawllai mi 419 an la awm mek a ni.

Nimin-a Serchhip District-a COVID-19 hri kai hmuhchhuah zinga 21 te hi Serchhip khawpui chhunga hri kai hmuhchhuah te niin Bukpui-ah 7, P&E Veng-ah 4, New Serchhip Sihphir Veng-ah 3, Bazar Veng-ah 2 leh Chanmari Veng, Darnam Veng, Dinthar Veng, Hmar Veng leh New Serchhip Venglai-ah hri kai mi pakhat theuh hmuh an ni a. Heng bakah Then-zawl-ah hri kai mi 12 hmuh ni bawkin Chhiahtlang-ah 4, Sailulak-ah 3 leh East Lungdar leh Thentlang-ah hri kai mi pahnih ve ve hmuh an ni bawk.

Nimin khan Serchhip District-ah hri kai enkawl dam mi 68 awm belh lehin niminpiah-a report siam hnuah hri kai enkawl dam mi 55 an awm belh bawk a. Heti hian nimin thlenga Ser-chhip District-a hri kai hmuh tawh chu 12,551 niin an zinga 12,103 te chu enkawl dam an ni tawh a, hri kai hmuhchhuah atanga za zela 96.43 te enkawl dam ni tawhin hri kai enkawllai 419 an la awm a, hri kai zingah mi 29 an boral tawh bawk a ni.