Sakei dahna hawn a ni ta

Aizawl Sahuan-a Sakei dahna tur siam thar chu Zirtawpni khan Environment, Forest and Climate Change Minister TJ. Lalnuntluanga chuan a hawng a, helai hmuna dah tura tunhnaia Royal Bengal Tiger/Keipui lak thar chu mipui hmuh theih tura phochhuah nghal a ni. He hunah hian Minister chuan Sahuan in hma a sawn theihna turin sawrkar chuan theihtawp a chhuah thu sawiin, ramsa zirchian duhna neite tan pawha tih changtlung zel anih thu a sawi a ni. Hei bakah hian Minister chuan an Department hotu ten India rama sahuan tha ber pawl ah Aizawl sahuan hi siam an tum thu sawiin, JICA kaltlangin Sahuan tihchangtlunna tur Scheme buaipui mek a nih thu a sawi bawk.