Mistiri in Slab chim enfiah

Mizoram Mistiri Association General Hqrs. Aizawl-a hruaitute chuan kar kalta Ningani tlai a Lengpui Airport cheithat mek slab chim chu pawi an tih thu sawiin, helai hmun hi Inrinni khan tlawhin he hna thawh danah hian Mistiri chu thawktu pawi-mawh tak nimahse, Contractor emaw Supervisor emaw in mawh an phur hle nia an hriat thu an sawi a. “Rod zawm dan leh cement proportion a dik tawk lova, tui a mamawh ang an pe lovin kan hria a, chu chuan concrete chakna tam tak a tichhia a. Tin, a ban leh beam, slab tlo dan tur angin a tlo dawn lo tih a chiangin kan hria a ni,” tiin Terminal Building kawt-a kawng chhawng tur an siam mek pawh a structure dik tawk lo hle-a an hriat thu an sawi bawk.