Packaging Taining nei

Mizoram thil tharchhuah te thawnchhuah a nih huna tha tak leh mawi taka fun a nih theih dan tur zirhona, ‘Packaging for Export of Agri food, handloom & handicraft products of Mizoram’ chu nimin khan Aijal Club-ah neih a ni a, he Training hawnna hi Commerce & Industries Secretary Esther Lal Ruatkimi chuan hmanpuiin Mizo-ram chhunga thil siamchhuah leh tharchhuah kan neih hrang hrang te hi State dang leh ram danga thawnchhuak turin tha tak leh mawi taka fun (pack) a ngai a, tun dinhmunah packaging industry hi Mizoram pumah pakhat mah kan la nei rih lo tih a sawi a. He huna tel Entreprenuers te chu an thilsiam te thawnchhuak tura hma la ngei tur leh sawrkar pawhin puih a huam thu te, packaging-ah tanpui an ngai a nih chuan Indian Institute of Packaging (IIP), Kolkata Centre mithiam ten tanpui an inhuam thu te a sawi bawk.