NYKS leh YMA ten Cultural competition an buatsaih

Nehru Yuva Kendra (Sangathan) NYKS Serchhip leh Serchhip Sub-Hqrs. YMA Cultural Committee tangkawp buatsaihin Inrinni khan ‘Promotion of Art & Culture’ tih thupui hmangin Cultural Competition neih a ni.

Serchhip Sub-Hqrs. YMA Conference Hall-a Cultural Competition neih hi Serchhip Sub-Hqrs. YMA President Kawlthuama chuan khuallian nia hmanpuiin ‘Cultural Competition Programme’ tih thupui hmanga Promotion of Art & Culture tih hnuaiah India rama hnam hrang hrangte hnam ziarang leh nunphung tih hmasawnna chhoh zel a nih dan te sawiin, Serchhip-a Nehru Yuva Kendra Sangathan leh Serchhip Sub-Hqrs. YMA Culture Committee tangkawp ten hetiang prog-ramme hlu tak an buatsaih thei chu lawmawm a tih thu a sawi a. Kum 2008 atanga din Serchhip Sub-Hqrs. YMA Cultural Troupe leh Sub-Hqrs. YMA Zaipawl pawh tluang ta a an la kal chhoh zel thu sawiin, an hmalakna hrang hrang leh District tana an lo penchhuah tawhna te chu lawmawm a tih thu a sawi bawk.

Cultural Competition Programme hi NYKS bultuma neih niin Serchhip Hmar Veng Branch YMA in Cheraw (Kantluang) entirin Serchhip Chanmari Branch YMA ten Siktui-thiang lam an entir bakah Serchhip Sub-Hqrs. YMA Cultural Troupe ten Chheih lam leh Sarlamkai te an entir bawk a ni.