Hri kai enkawllai 371 la awm

Serchhip District-ah COVID-19 hri kai en-kawllai mi 371 awm mekin hri kai enkawllai hi an tlem ve tial tial a ni.

Inrinni khan Serchhip District-ah COVID-19 hri kai hmuhchhuah mi 40 an awm a, Thenzawl-ah hri kai mi 10 hmuh niin Thentlang khua ah 7, Khawlailung-ah 6, Bukpui-ah 5, Keitum-ah 3, Darnam Veng, New Serchhip Venglai leh Kanghmun South-ah mi 2 theuh leh Khawbel, Serchhip Dinthar Veng leh Tuikhuah Veng-ah mi pakhat theuh hri kai hmuh an ni bawk. Nimin khan Serchhip District-ah hri kai hmuhchhuah thar chhinchhiah an awm belh lo thung a ni.

Inrinni khan Serchhip District-ah hri kai enkawl dam an awm belh lova, nimin khan mi 95 te enkawl dam niin heti hian nimin thleng khan Serchhip District-a hri kai hmuhchhuah chu 12,646 niin an zinga 12,245 te chu enkawl dam an ni tawh a, hri kai hmuhchhuah atanga chhutin za zela 96.82 te chu enkawl dam an ni tawh a, hri kai enkawllai mi 371 la awmin hri kai enkawllai hi nasa takin a tlahniam chho mek a ni.