Mizoram-ah hri kai enkawllai an tlem ve zel

Mizoram-ah ni khat-a COVID-19 hri kai hmuhchhuah tlahniam ve zelin hri kai enkawl dam an pung zel a, hri kai enkawllai pawh mi sang chuang awrh chauh an ni tawh a ni.

Inrinni khan Mizoram-ah Sample 1619 enfiah niin heng atang hian hri kai mi 357 hmuhchhuah an ni a, Sample enfiah atanga za zela 22.05 te chuan hri hi an kai a. ZMC-a RT-PCR Laboratory-ah Sample 66 enfiah niin hri kai mi 15 hmuh an ni a, Lunglei a RT-PCR Laboratory-ah Sample 4 enfiah niin hri kai mi pakhat hmuh a ni bawk. Fluorescent Immunoassay Test hmangin Serchhip District-ah Sample 15 enfiahin hri kai mi 7 hmuh a ni a, Aizawl-ah sample pakhat enfiahin hri kai hmuh an awm lo thung. District hrang hranga TrueNat Laboratory-ah Sample 49 enfiah niin hri kai mi 23 hmuh an ni a, an vai hian Mamit District vek an ni a, Rapid Antigen Test hmanga Sample enfiah 1484 atangin hri kai mi 311 hmuh an ni bawk.

Zirtawpni khan Mizoram-ah Sample 2003 enfiah niin hri kai mi 403 hmuh an ni bawk a, Sample enfiah atanga za zela 20.12 te chuan hri an kai a, ZMC-a RT-PCR Laboratory-ah Sample 27 enfiah niin hri kai mi 5 hmuh an ni a, Lunglei-a RT-PCR Laboratory-ah Sample 6 enfiah niin hri kai mi 2 hmuh an ni bawk. Fluorescent Immunoassay Test hmangin Aizawl-ah Sample pakhat enfiah niin hri kai hmuhchhuah an awm lova, District hrang hranga TrueNat Laboratory-ah Sample 99 enfiah niin hri kai mi 38 hmuh an ni a, Rapid Antigen Test hmanga Sample enfiah 1870 atangin hri kai mi 358 hmuh an ni bawk.

Inrinni khan Mizoram-ah hri kai enkawl dam mi 434 awmin nimin khan mi 319 te enkawl dam an ni leh a, nimin thleng khan Mizoram-a hri kai hmuhchhuah tawh chu 2,20,786 niin an zinga 2,17,083 te chu enkawl dam an ni tawh a, hri kai hmuhchhuah atanga chhutin za zela 98.48 te chu enkawl dam ni tawhin enkawllai mi 2032 la awmin hri kai zingah mi 671 an boral tawh a, hri kai enkawllai hi Aizawl District-ah 657 leh Mamit District-ah 621 la awmin hri kai enkawllai tam zualna District an ni.